فلنشجع ماكابى

بينما كنت فى منزلى اتابع نشرة الاخبار كانت قوات الاحتلال فى فلسطين تتلذذ بارتكاب شتى انواع الارهاب تجاه المسلمين فى فلسطين من قتل وسرقة ونهب واغتصاب لبنات المسلمين وحرق وهدم للمنازل و بناء المستوطنات وكذلك لم تسلم المقدسات من نجاساتهم .
فما كان منى الا ان اغلقت التلفاز وخرجت من المنزل لعل حالة الضيق التى اصابتنى مما رايت تزول وتنتهى
واثناء سيرى لجات الى احد المقاهى الشعبية الصغيرة ولكن لفت انتباهى امتلاء المقهى عن اخره بشكل غير مالوف !!
فتؤجهت الى احد الجالسين سائلا
انا : (( لو سمحت هى القهوة زحمة ليه النهاردة غير كل يوم ؟ ))
هو : (( انت متعرفش !! ده النهاردة ماتش الدربى الاسبانى بين برشلونة الكتالونى وريال مدريد الملكى ))
هو : (( على كدا بقى انت بتشجع مين ؟؟؟ ))
انا : (( لا انا بشجع ماكابى ))
هو : (( ماكابى !!!!!!!!! وده بيلعب فى دورى ايه ؟؟؟ ))
انا : (( ماكابى تل ابيب ده اكبر نادى فى الدورى الاسرائيلى الممتاز ))
هو : (( اسرائيلى !!!!!!!!!!!!!!! ))
انا : (( ايوا اسرائيلى انت مستغرب ليه ؟؟؟؟ ))
هو : (( ازاى تشجع فريق اسرائيلى ؟؟ ))
انا : (( وانت ازاى بتشجع فريق اسبانى ؟؟ ))
هو : (( اسرائيل اللى انت بتشجع فريقها دى بتقتل وتدبح فى الفلسطينيين كل يوم انت معندكش تلفزيون ولا ايه ؟!! ))
انا : (( والاسبان اللى انت بتشجعهم قتلوا ودبحوا ولا انت مش بتقرا تاريخ ))
هو : (( اسرائيل بيغتصبوا المسلمات وبيقتلوا الاطفال ))
انا : (( والاسبان اغتصبوا المسلمات وقتلوا الاطفال ))
هو صارخا فى وجهى (( اسرائيل بتسرق الاررررررررررض ))
انا : (( والاسبان سرقوا الارض وطردوا المسلمين ))
واثناء الحوار اذا بالمعلق يعلن بداية الشوط الاول من الكلاسيكو الاسبانى .
فقمت منسحبا عائدا الى المنزل ولكن العجيب ان حالة الضيق التى اصابتنى لم تزول بل زادت عندما علمت ان الناس تجهل تاريخ الامة .
والله لن تعود الاندلس طالما المطرودين مازالوا يشجعون الطاردين الصليبين .